कल्पतरू समूहाच्या रक्तदान शिबिरास उत्स्फूर्त प्रतिसाद

 

मुंबई(शांत्ताराम गुडेकर )

         चिंचपोकळी (पू) येथील कल्पतरू समूहातर्फे नुकत्याच पार पडलेल्या २९ व्या रक्तदान शिबिरात ७० रक्तदात्यांनी रक्तदान करून भरघोस प्रातिसाद दिला. या कार्यक्रमास वार्प इंजिनियरींग या कंपनीचे डायरेक्टर श्री. प्रभूदास गोला यांनी उपस्थिती लावून मंडळाची शिस्त व रक्तदान शिबिराचे सातत्य याविषयी तोंडभरून कौतुक केले. २९ वर्षे रक्तदान शिबिर राबवून सातत्य राखल्याबद्दल समूहाला संबोधताना शिवसेना आमदार सौ. यामिनीताई जाधव यांनी मंडळाला शुभेच्छा दिल्या.  तर रंगारी बदक चाळ सार्वजनिक गणेशोत्सव मंडळाचे अध्यक्ष श्री. भाई मयेकर यांनी मंडळाला संबोधताना म्हटले की या विभागातील इतर सर्व मंडळे कल्पतरू समूहाच्या समाजसेवेचा आदर्श घेत आहेत, ही मोठी कौतुकाची गोष्ट आहे. सदर रक्तदान शिबिरास स्थानिक शिवसेना नगरसेवक श्री. रमाकांत रहाटे, नायर रुग्णालयाचे समाजविकास अधिकारी श्री. पवार तसेच महावीर इंटरनॅशनल, मुंबई चे अध्यक्ष श्री. पारसमल गोलेचा यांनी हजेरी लावली अशी माहिती मंडळाचे प्रसिद्धीप्रमुख श्री. दादासाहेब येंधे यांनी दिली असून सदर रक्तदान शिबिर यशस्वी होण्यासाठी विठ्ठल पै, शेखर साळसकर, शिवाजी पाटील, सुजित, महेश नानचे, स्वप्नील, सुनिकेत, शुभम स्वार, समृद्धी येंधे, तन्वी येंधे, समीक्षा, अमेय परब, श्री. बाळा परब, आनंदा पाटील, संजीव केरकर, चारुदत्त लाड, श्री. शिवणेकर, संतोष रायकर, आदित्य देसाई, विनायक येंधे, समीर नाईक आदी कार्यकर्त्यांनी मेहनत घेतली.