"माणुसकीची भिंत "प्रतिष्ठान मुंबई, कलचरल अकॅडमी, रॉयल स्पीड ग्रूप वरळी या संस्थेमार्फत महिलाश्रम लांजा येथे आश्रमातील निराधार विद्यार्थी व महिला यांना शैक्षणिक साहित्य वाटप

लांजा (प्रतिनिधी) एक जबाबदार नागरिक म्हणून आपली काही  सामाजिक जबाबदारी असते प्रत्येक व्यक्तीने आपल्या उत्पन्नातील काही भाग गरजू व गरीब लोकांना  मदत म्हणून  दिला तर समाजात एकही भुकेला किंवा निराधार राहणार नाही आणि तीच खरी ईश्वर सेवा असल्याचे प्रतिपादन माणुसकीची भिंत प्रतिष्ठान मुंबई चे अध्यक्ष व सामाजिक कार्यकर्ते दिपक कांबळे यांनी लांजा महिलाश्रम येथे केले.

"माणुसकीची भिंत "प्रतिष्ठान मुंबई, कलचरल अकॅडमी, रॉयल स्पीड ग्रूप वरळी या संस्थेमार्फत महिलाश्रम लांजा येथे आश्रमातील निराधार  विद्यार्थी  व महिला यांना  शैक्षणिक साहित्य वाटप, महिलांना साड्या व चादर वाटप तसेच मास्क व सॅनिटायजर वाटप कार्यक्रम नुकताच  करण्यात  आला यावेळी  दिपक कांबळे बोलत होते .

    सदर प्रसंगी माणुसकीची भिंत प्रतिष्ठान, रॉयल स्पीड ग्रूपचे सर्व  पदाधिकारी , महिलाश्रम  लांजा कार्यवाहक श्रीम.विद्या बेलवलकर  आणि कर्मचारी  तसेच माजी सभापती श्रीकांत कांबळे,सेवानिवृत्त  बॅक अधिकारी बबन कांबळे- माजळकर  सचिव सुनील पालकर, सामाजिक कार्यकर्त्या सौ. दीपाली कांबळे ,संजय पवार, रवींद्र खैरे ,कमलेश भोसले, काशीनाथ कांबळे  आदी मान्यवर   उपस्थित होते.