गुहागर तालुका नमन मंडळे, निर्माते, आयोजक, संयोजक, कलावंत व लोककला प्रेमी याना गुहागर तालुका नमन मंडळ मुबई-ग्रामीण संघटक: श्री सुधाकर मास्कर यांचे जाहीर निमंत्रण

गुहागर: (प्रतिनिधी दीपक मांडवकर)

कोकण म्हटलं की सांस्कृतिक कार्यक्रमाची मायभूमी अशी रत्नागिरी जिल्ह्याची ओळख आहे. म्हणजेच बहुरंगी नमन ही लोककला खरं तर फार प्राचीन काळापासून आपल्या करमणूकीचं प्रमुख माध्यम बनून राहीली आहे. या लोककलेत सद्या काही नमन मंडळांनी मुंबई सारख्या शहरी भागात व्यसायिकता सुध्दा आणन्याचा प्रयत्न केला आहे. हे खरं तर प्रगतीचं ल‌क्षण आहे. आणि त्याचं स्वागत सुध्दा व्हायला हवं. त्याच बरोबर ज्या बहुरंगी नमनाचा पाया गाव मंडळं व वाडी मंडळांनी घातला त्यांच्या त्या कलेच्या प्रती असणाऱ्या त्याच्या निस्सीम प्रेमामुळे, निष्ठेमुळे व त्यागामुळे बहुरंगी नमन ही लोककला आजपर्यंत टीकून राहीली आहे. याचा विचार करता त्या मंडळांना व कलावंताना खरं तर धन्यवाद द्यायला हवे. कारण त्यांच्याच या निस्वार्थी प्रयत्नांच्या सेवेमुळे ही लोककला जिवंत राहीली आहे. नमन, खेळे, ही लोककला पेशवाई काळापासून सादर होत असावी खेळ्याच्या काही गाण्यातून राघोबा दादाच्या नावाचा उल्लेख आढळतो. १७२८ साली रामजी नाईक काळे व शिवराम नाईक गोडबोले या दोन महान किर्तनकारांनी कर्नाटकातून जो प्रकार महाराष्ट्रात आणला त्याचे दोन भाग आहेत. एक दशावतार म्हणून  दक्षिण रत्नागिरी जिल्ह्यात म्हणजे सिंधुदुर्ग जिल्हात प्रसिद्ध पावली व नमन- खेळे उत्तर रत्नागिरी जिल्ह्यात होऊ लागले. आज नमन या लोककलेचा मान आणि सन्मान ज्या पध्दतीने शासन दरबारी व्हायला हवा होता तो मात्र झालेला दिसत नाही. त्याला कारणे अनेक आहेत मात्र त्यांचा विचार करता त्याला बहुतांशी आपणच जबाबदार असल्याचं आपल्या सखोल विचारा अंती लक्षात येईल. सार्वजनिक जिवनात कोणतीही गोष्ट संघटीत होऊन संघर्ष केल्या शिवाय आज पर्यंत कुणालाच  मिळाली नाही. त्या बाबीला आपण तरी अपवाद कसे काय ठरणार, आणि म्हणून बहुरंगी नमन या लोककलेला व त्यातील लोककलावंत यांना न्याय मिळवून देण्यासाठी व शासन दरबारी बहुरंगी नमन लोककलेचा झेंडा रोवण्यासाठी मागील काही दिवसांपासून आपण जे संघटीत होण्या संबंधी विचारविनिमय करत होतो त्याचाच भाग म्हणून संपुर्ण रत्नागिरी जिल्ह्यात संघटनात्मक पध्दतीने  पद्धतीने बांधणी करून सर्वांना सोबत घेऊन संघटनेची बांधणी करण्याचे ठरविण्यात आले आहे.

याच अनुषंगाने गुहागर तालुक्यातील नमन मंडळाचे गावप्रमुख, निर्माते, आयोजक, संयोजक, याची मुबई येथे सभा झाली सदर सभेमधी चर्चा विनिमय झाल्यानंतर आपल्या तालुक्याची सभा ग्रामीण ठिकाणी होणे गरजेचे आहे असे सर्वानुमते ठरवण्यात आले आहे. तरी सदर सभा ही गुहागर तालुक्यातील  नमन मंडळाचे गाव प्रमुख, कलावंत, मंडळांचे चालक, निर्माते, गावकर, अधिकारी मंडळी, नमन कलेचे हितचिंतक याची घेण्यात येणार आहे तरी याची नोंद घ्यावी ही विनंती. आणि रविवार दिनांक १४/०२/२०२१ रोजी, सकाळी ठिक १०.०० वाजता गुहागर बाजार भवन, पेट्रोल पंप समोर, शृंगारतळी गुहागर चिपळूण रोड, शृंगारतळी. येथे येण्याचे निमंत्रण गुहागर तालुका नमन मंडळ मुबई-ग्रामीण संघटक: सुधाकर मास्कर यांनी केले आहे.