लांजा येथील स्वराज्य प्रतिष्ठानने केली सापूचेतळे परिसरात जंतुनाशक फवारणी

स्वराज्य प्रतिष्ठानने केली सापूचेतळे परिसरात जंतुनाशक फवारणी

लांजा: (दिपक मांडवकर) लांजा तालुक्यातील सापुचेतळे परिसरात स्वराज्य प्रतिष्ठान यांच्यामार्फत निर्जंतुकीकरणासाठी नुकतीच औषधल फवारणी करण्यात आली आहे.

  कोरोनाच्या संकटात अख्खा देश सापडलेला असताना या आजाराचा सामना करण्यासाठी कित्तेक हात पुढे आले त्यात लांजा तालुक्यातील प्रामुख्याने विविध क्षेत्रात आपले योगदान देणारी संस्था म्हणजे स्वराज्य प्रतिष्ठान लांजा या संस्थेच्या वतीने आणि प्रतिष्ठानचे संस्थापक श्री.ऋषीनाथ (दादा) पत्याणे यांच्या मार्गदर्शनातून या आजाराचा सामना करण्यासाठी प्रतिष्ठानच्या वतीने विविध नावीन्यपूर्ण उपक्रम राबविले जात आहेत.

     सापुचेतळे येथे नेहमीच लोकांची वरदळ असते अशा ठिकाणी पूर्ण सापुचेतळे विभागामध्ये जंतुनाशक फवारणी करण्यात आली. या ठिकाणी प्रतिष्ठानचे मार्गदर्शक प्रमिल दादा पत्याणे, संतोष (बावा) पत्याणे, अध्यक्ष विनायक खानविलकर, उपाध्यक्ष डी.डी. कुर्धेकर, प्रतिष्ठानचे ज्येष्ठ सहकारी बाबा गोरे, उमेश लोटणकर, सुजित शिंदे,पोलीस पाटील बाबू लोटणकर उपस्थित होते .
      या प्रतिष्ठानच्या जनसेवेच्या कार्यासाठी खास उपस्थिती होती. मराठी अभिनेता संचित यादव आणि अभिनेत्री पौर्णिमा यांची यावेळी अभिनेता संचित म्हणाला देशावर संकट आलेलं असताना या देशसेवेच्या कार्यासाठी आम्हाला छोटासा भाग होता आल याचा आम्हाला आनंद आहे. तरी सापूचेतळे येथील रहिवासी बांधवांनी स्वराज्य प्रतिष्ठानच्या संपूर्ण मान्यवरांचे मनःपूर्वक आभार मानले.